Відэафакт: На Кубу прыбыў расейскі фрэгат, які нясе крылатыя ракеты
- 25.06.2019, 12:56
Ракеты апынуліся менш як за 200 кіламетраў ад узбярэжжа ЗША.
Група караблёў Паўночнага флоту Вайсковых марскіх сіл Расеі на чале з найноўшым фрэгатам «Адмірал Гаршкоў» прыбыла на Кубу, апынуўшыся менш чым за 200 кіламетраў ад узбярэжжа ЗША. Пра гэта піша topwar.ru.
У складзе групы, акрамя фрэгата, ідуць судны МТА «Эльбрус» і выратавальны буксір «Мікалай Чыкер». Плаванне пачалося ў лютым 2019 года, за гэты час караблямі і судамі пераадолена ўжо 28 тысяч марскіх міль (амаль 52 000 км).
«Адмірал Гаршкоў» - адзін з найноўшых караблёў расейскага флоту. На борце фрэгат нясе да 16 крылатых ракет «Калібр», а таксама іншыя ракеты і супрацьлодкавае ўзбраенне.