Працаўніца крамы ў Вілейцы скрала булачкі, каб яе хутчэй звольнілі

• 25.06.2019, 9:29

Супрацоўніца знайшла сабе замену, аднак адміністрацыя не скасавала з ёй працоўныя стасункі.

Здарэнне адбылося 23 чэрвеня ў адной з буйных крам, піша kraj.by.

Працаўніца пякарні паспрабавала вынесці з крамы 10 булачак і шэсць мяшкоў з лагатыпам, але была затрыманая ахоўнікам.

Міліцыі яна патлумачыла, што пайшла на крадзеж, каб яе хутчэй звольнілі. Са слоў жанчыны, яна ўжо знайшла сабе замену, аднак адміністрацыя не касавала з ёй працоўныя дачыненні.

Паводле факту дробнага крадзяжу ў дачыненні да жанчыны складзены адміністрацыйны пратакол. Ёй пагражае ад 51 да 750 рублёў штрафу.