Скандал у Федэрацыі гандбола: Рутэнка супраць Канаплёва
- 24.06.2019, 18:13
Шасціразовы пераможца Лігі чэмпіёнаў напісаў заяву пра сыход з пасады намесніка старшыні БФГ.
Паводле інфармацыі Tribuna.com, Сяргей Рутэнка напісаў заяву пра сыход з пасады намесніка старшыні Беларускай федэрацыі гандбола.
Гэта адбылося пасля публічнага канфлікту са старшынёй БФГ Уладзімірам Канаплёвым падчас выканкама Федэрацыі ў пятніцу, 21 чэрвеня.
Рутэнка выказаўся супраць скасавання ліміту на легіянераў у чэмпіянаце Беларусі. Бакі на працягу некалькіх хвілін у досыць рэзкай форме выказалі аргументы адзін аднаму.
На галасаванні Рутэнка стаў адзіным, хто прагаласаваў супраць. Астатнія сябры выканкама, у тым ліку галоўны трэнер каманды Беларусі Юрый Шаўцоў, прагаласавалі за.
Сяргей Рутэнка - 6-разовы пераможца Лігі чэмпіёнаў, самы паспяховы гандбаліст Беларусі.