Уладзіслаў Калячонак: Падчас драфту НХЛ проста чакаў, хто ў мяне паверыць

• 23.06.2019, 16:45

Беларускі абаронца падзяліўся ўражаннямі ад драфту НХЛ.

«Я вельмі шчаслівы стаць часткай "Фларыды". Падчас драфту стараўся шмат не думаць, а проста чакаў, хто абярэ мяне, хто ў мяне паверыць. І я шчаслівы, што такім клубам стала "Фларыда"...

Пераезд у Паўночную Амерыку стаў для мяне вельмі карысным і добрым досведам. Мяне абмянялі ў "Флінт" з "Лондана", у гэтым сезоне я шмат часу праводзіў на пляцоўцы ў складаных сітуацыях. Мне здаецца, што менавіта абмен стаў ключавой падзеяй у маім жыцці, дзякуючы якой я апынуўся тут», – як паведамляе афіцыйны сайт ФХБ, адзначыў хакеіст.