Навукоўцы зазірнуць у мінулае Белавежскіх лясоў на 400 гадоў

• 18.06.2019, 21:05

Даследчыкі будуць адсочваць стан Белавежскіх лясоў у Польшчы і Беларусі.

Праект ForBioSensing PL распрацаваў комплексную тэхналогію, каб адсочваць стан Белавежскіх лясоў у Польшчы і Беларусі, паведамляе focus.ua.

Навукоўцы ўжылі дэндраметры: іх вешаюць на ствалы асобных дрэў і вымяраюць, наколькі ствалы патаўшчаюцца за год. Паралельна прыбор вядзе ўлік знешніх умоў - тэмпературы і вільготнасці.

Даследаванні працягнуцца 2 гады, затым будзе выбудаваная мадэль, якая апіша рост канкрэтнага дрэва з моманту яго з'яўлення. У выніку можна будзе прасачыць развіццё лесу за апошнія 400 гадоў.

Разам з гэтым будуць адсочвацца эпідэміі жукоў-караедаў і іншых драўняных паразітаў. У сукупнасці гэтыя звесткі пакажуць, як развіваўся лес у розных умовах, якія віды аказваліся самымі устойлівымі да розных нягод і як аднаўлялася біяразнастайнасць. На аснове даследавання будуць складзеныя рэкамендацыі для ляснічых.

Нагадаем, Белавежскія лясы займаюць плошчу 150 тысяч гектараў на тэрыторыі Польшчы і Беларусі.