Мэрам нямецкага горада ўпершыню абраны кандыдат без грамадзянства Нямеччыны

• 17.06.2019, 10:37

Яго падтрымлівалі ХДУ і ліберальныя дэмакраты.

У Ростаку беспартыйны даніец Клаўс Руэ Мадсэн у нядзелю, 16 чэрвеня, перамог у другім туры выбараў кіраўніка гарадской адміністрацыі, набраўшы, паводле папярэдніх падлікаў, 57,1% галасоў выбарцаў, паведамляе dw.com.

Такім чынам, ураджэнец Капенгагена Руэ Мадсэн стане першым у ФРГ кіраўніком горада, якія не мае нямецкага грамадзянства, паказвае аб'яднанне Звязу гарадоў Нямеччыны.

Падчас перадвыбарчай кампаніі Руэ Мадс падтрымлівалі ХДУ і ліберальныя дэмакраты. Яго апанентам у другім туры быў прадстаўнік Левай партыі сэнатар Ростаку ў сацыяльных пытаннях, а таксама ў справах моладзі, школьнай адукацыі, спорту і аховы здароўя Штэфэн Бокхан (Steffen Bockhahn). У першым туры выбараў, які адбыўся тры тыдні таму, бралі ўдзел дзевяць кандыдатаў.

У інтэрв'ю інфармагенцтву dpa Руэ Мадсэн заявіў, што хоча, найперш, дамагчыся адзінства жыхароў горада. "Нам трэба развіваць Ростак разам", - сказаў ён.

Да прыходу ў палітыку Руэ Мадсэн пражыў у ганзейскім горадзе Ростаку 20 гадоў. Шэсць гадоў ён узначальваў рэгіянальную сетку мэблевых крамаў, якая налічвае пяць філіялаў і блізу сотні супрацоўнікаў. Да нядаўняга часу даніец быў таксама старшынём гандлёва-прамысловай палаты ў Ростаку.

Раланд Метлінг (Roland Methling), які саступае яму крэсла кіраўніка горада, займаў пасаду мэра Ростака 14 гадоў. Балатавацца на цяперашніх выбарах Метлінг не стаў з прычыны свайго ўзросту.

Ростак налічвае сёння блізу 210 тысяч жыхароў. 173 тысячы з іх мелі на мінулых выбарах права голасу. Прыход склаў 44,1%. Грамадзяне Еўразвязу маюць права вылучаць сваю кандыдатуру на мясцовых выбарах у Нямеччыне, не маючы пашпарта ФРГ, калі яны пражываюць у тым рэгіёне, дзе хочуць балатавацца.