Дэмпартыя Малдовы: Плахатнюк выехаў з краіны на некалькі дзён

• 15.06.2019, 14:37

Алігарх нібыта паляцеў наведаць сям'ю.

Лідар Дэмакратычнай партыі Малдовы (ДПМ), бізнэсовец Уладзімір Плахатнюк пакінуў краіну. Пра гэта паведаміла прэс-служба ДПМ.

«У сувязі са спекуляцыямі ў прэсе аб так званым знікненні лідара ДПМ паведамляем, што Плахатнюк з'ехаў на некалькі дзён з краіны да сваёй сям'і», - заявілі ў партыі.

14 чэрвеня Дэмакратычная партыя Малдовы адмовілася ад улады, а ўрад Паўла Філіпа сышоў у адстаўку ў поўным складзе.

Прэм'ер-міністр Малдовы Майя Санду заявіла, што пастанова ўрада ад Дэмакратычнай партыі сысці ў адстаўку запозненая, а Плахатнюк адкажа за свае дзеянні паводле закона.