Заўтра чакаецца спёка да +31°С

• 15.06.2019, 11:52

Лета ў разгары.

Спякота да 31 градуса чакаецца ў Беларусі 16 чэрвеня, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Будзе пераменная воблачнасць. Ноч чакаецца без ападкаў.

Раніцай і ўдзень пераважна па заходняй палове пройдуць кароткачасовыя дажджы, у асобных раёнах - навальніцы. Вецер будзе пераменных напрамкаў умераны, пры навальніцах месцамі моцны парывісты.

Тэмпература паветра ўначы чакаецца ад 12 градусаў цяпла на поўначы да 20 градусаў на паўднёвым захадзе краіны, у сярэдзіне дня паветра прагрэецца да 25-31 градуса.