Ва Украіне Зяленскі прызначыў новых кіраўнікоў Нацгвардыі і Дзяржпамежслужбы

• 14.06.2019, 16:51

Прэзідэнт Украіны зрабіў шэраг кадравых прызначэнняў.

Прэзідэнт Украіны Уладзімір Зяленскі прызначыў Мікалая Балана камандуючым Нацыянальнай гвардыяй Украіны.

Пра гэта гаворыцца ва ўказе прэзідэнта №407, паведамляе «Украінская праўда».

Да гэтага Балан займаў пасаду намесніка камандуючага Нацгвардыі і выконваў паўнамоцтвы кіраўніка структуры.

Таксама прэзідэнт Украіны змяніў кіраўніка Дзяржпамежслужбы. Старшынём Дзяржаўнай памежнай службы Украіны стаў намеснік дырэктара Дэпартамента аператыўнай дзейнасці Дзяржпамежслужбы Cяргей Дайнэка.