Улады Ганконга пайшлі на саступкі пратэстоўцам супраць закона аб экстрадыцыі
- 12.06.2019, 12:11
Пратэстоўцы выйшлі на барыкады.
Улады Ганконгу адклалі разгляд законапраекта, які дазваляе экстрадыцыю жыхароў горада ў мацерыковы Кітай - пасля таго, як у сераду дзясяткі тысяч удзельнікаў акцый пратэсту заблакавалі будынак мясцовага заканадаўчага сходу, а таксама асноўныя вуліцы ў цэнтры горада, паведамляе «Радыё Свабода».
Паведамляецца, што ў шэрагу месцаў у цэнтры Ганконга пратэстоўцы ўзвялі барыкады. Адбыліся сутыкненні з паліцыяй, якая выкарыстала слёзацечны газ супраць групы ўдзельнікаў пратэстаў, якія спрабавалі штурмаваць заканадаўчы сход.
Многія з жыхароў горада ўдзельнічаюць у страйку супраць прыняцця законапраекта.