Пацыент Гомельскай лякарні загінуў падчас спуску па прасцінах з чацвёртага паверха

• 27.05.2019, 17:23

Мужчына сталага веку спрабаваў збегчы з лякарні.

Як стала вядома «Сильным новостям», мужчына 60-ці гадоў, пацыент закрытага аддзялення Гомельскай туберкулёзнай лякарні, упаў з 4-га паверха і разбіўся да смерці. Трагедыя адбылася ўчора, 26 траўня, прыблізна блізу 20-ці гадзін вечара.

Да такога фіналу яго прывяла ўласная, не вельмі пакуль зразумелая, ініцыятыва. Справа ў тым, што хворы спрабаваў пакінуць корпус, абмінаючы дзверы, спускаючыся праз акно па імправізаваным канаце, які сам жа і збудаваў з бальнічных прасцінаў.

На жаль, прыстасаванне не вытрымала вагі дарослага чалавека, мужчына абарваўся і загінуў.

Афіцыйнай інфармацыі паводле гэтага інцыдэнту пакуль не паступала.