З Беларусі ў РФ спрабавалі завезці таемнымі сцежкамі больш за 100 тонаў польскіх яблыкаў
- 25.05.2019, 13:50
У Пскоўскай вобласці Расеі затрымалі 9 фураў з польскімі яблыкамі.
У лесе на поўдні Пскоўскай вобласці расейскія мытнікі затрымалі дзевяць фураў з польскімі яблыкамі.
Усе транспартныя сродкі перавозілі садавіну з тэрыторыі Рэспублікі Беларусь без таварасуправаджальных дакументаў.
Больш за 100 тонаў яблыкаў, незаконна ўвезеных у Расею, канфіскавалі і знішчылі, піша rus.err.ee.
Затрыманне транспартных сродкаў і знішчэнне тавару ажыццяўлялася пры сілавой падтрымцы атрада хуткага рэагавання Пскоўскай мытні.
Меркаваны кошт знішчанага тавару склаў амаль 70 000 еўраў.