BBC запускае тэлешоў з карыкатурным Пуціным у ролі вядоўцы
- 23.05.2019, 9:43
Праграму будзе трансляваць тэлеканал BBC Two.
Брытанская тэлекампанія ВПС 22 траўня паведаміла аб запуску новага камедыйнага шоў, вядоўцам якога будзе анімаваны прэзідэнт Расеі, назва праграмы - Tonight With Vladimir Putin, паведамляе gordonua.com.
"Усеагульны ўлюбёнец, сусветны асілак і пераможца мядзведзяў Уладзімір Пуцін нарэшце дамогся сваёй галоўнай мэты - весці чат-шоў на BBC", - сказана ў анонсе.
Праграму будзе трансляваць тэлеканал BBC Two. "Пуцін", створаны з выкарыстаннем тэхналогіі трохмернай анімацыі, будзе камунікаваць з гасцямі праграмы ў рэжыме рэальнага часу.
Агучваць Пуціна будзе брытанскі актор Нэт Таплі, ён жа піша рэплікі вядоўцы.