Зяленскі ўнёс у Раду свой першы законапраект на пасадзе прэзідэнта

• 22.05.2019, 12:21

Дакумент могуць разгледзець на сённяшнім пазачарговым пасяджэнні ўкраінскага парламента.

Прэзідэнт Украіны Уладзімір Зяленскі прапануе Вярхоўнай Радзе ўнесці змяненне ў закон «Аб публічных закупках» што да ажыццяўлення закупак падчас выбарчага працэсу. Адпаведны законапраект прэзідэнт Украіны падаў у парламент і адзначыў як неадкладны, паведамляецца на сайце ВР.

Чакаецца, што законапраект будзе разгледжаны сёння на пазачарговым пасяджэнні парламента. Разам з ім могуць разгледзець таксама змены ў закон аб выбарах народных дэпутатаў, піша 112.ua.

Адзначым, указаны законапраект з'яўляецца першым, занесеным на разгляд парламента шостым прэзідэнтам Украіны.