Міхаіл Захараў: Сёння мы за мільён даляраў прадалі Буйніцкага

• 21.05.2019, 12:00

Беларускі гулец перайшоў у магнітагорскі «Металург».

Галоўны трэнер сталічнага «Юнацтва» Міхаіл Захараў паведаміў, што магнітагорскі «Металург» заплаціў за пераход Дзмітрыя Буйніцкага адзін мільён даляраў, піша tribuna.com.

«У нас шмат спартоўцаў, якіх мы выхавалі і прадалі ў іншыя краіны - у хакеі, у футболе. Грошы вярталіся да нас у краіну. Я скажу, вось сёння мы за мільён даляраў прадалі Буйніцкага. Ніхто пра гэта, праўда, не кажа, але я размаўляў з генеральным мэнэджарам маскоўскага «Дынама». Ён мне сказаў: «Так, мы хацелі ў вас Буйніцкага купіць, але, на жаль, не пацягнулі», - сказаў Захараў у эфіры праграмы «У абстаноўцы свету» на СТВ.