У Жыровічах адбыўся Жыровіцкі фэст

• 20.05.2019, 21:56

У вёсцы Жыровічы Слонімскага раёна адбыўся Жыровіцкі фэст, прысвечаны Іконе Жыровіцкай Божай Маці.

Фэст штогод адзначаецца 20 траўня.

Свята пачалося з самай раніцы богаслужэннем. А потым адбыўся акафіст перад цудатворнай Іконай Божай Маці і святочны фестываль-канцэрт, паведамляе «Радыё Рацыя».

Святочны канцэрт праходзіў да позняга вечара на сцэне-караблі каля старой жыровіцкай крыніцы. Сотні людзей змаглі не толькі пакланіцца святой Іконе, а таксама паглядзець выступленні харавых калектываў, вакальна-інструментальных ансамбляў, розных салістаў і паэтаў з усіх куткоў Беларусі, якія прыехалі на свята ў Жыровічы.