Калі пасажыр мае права не плаціць за паездку на таксі

• 20.05.2019, 10:12

Якія правы прадугледжаны беларускім заканадаўствам?

Пра гэта распавялі ў Міністэрстве антыманапольнага рэгулявання і гандлю, якое ажыццяўляе рэгуляванне і кантроль у сферы абароны правоў спажыўцоў, піша Myfin.by.

Установа ў публікацыі на афіцыйным сайце інфармуе спажыўцоў аб правах пасажыраў таксі і патрабаваннях да кіроўцаў таксі.

Пасажыр мае права:

на інфармацыю пра паслугі, а таксама аб іх выканаўцах;

на належную якасць і бяспеку паслуг;

правозіць з сабой бясплатна іншых пасажыраў;

патрабаваць ад кіроўцы аўтамабіля-таксі руху самым кароткім маршрутам да пункта прызначэння;

пры афармленні заказу на паездку атрымліваць інфармацыю пра прыблізны кошт паслуг;

скасаваць раней зробленую замову не пазней чым за 30 хвілін да ўстаноўленага часу прыбыцця аўтамабіля-таксі.

Спажывец мае права адмовіцца ад аплаты паездкі ў выпадку выканання паслугі таксі з выключаным касавым апаратам, сумешчаным з таксометрам.

У салоне аўтамабіля-таксі на бачным для пасажыра месцы павінна знаходзіцца інфармацыйная таблічка, якая змяшчае:

найменне і тэлефон дыспетчара таксі (калі аўтамабільныя перавозкі выконваюцца з выкарыстаннем яго паслуг);

тарыфы для гэтага аўтамабіля: тарыф за 1 км (удзень і ўночы), за межамі горада, кошт абанавання, кошт пасадкі, прастою, замовы таксі праз тэлефон, іншыя тарыфныя ўмовы і прыклад разліку аплаты праезду некалькімі пасажырамі.

Пасажырам рэкамендуецца пры пасадцы ў таксі знаёміцца з гэтай інфармацыяй.

Акрамя таго, у салоне аўтамабіля-таксі павінны знаходзіцца:

візітная картка, якая змяшчае звесткі пра кіроўцу і яго фатаграфію;

інфармацыя пра найменне (прозвішча, уласнае імя, імя па бацьку), месца знаходжання (месцы жыхарства) і кантактныя тэлефоны аўтамабільнага перавозчыка.

У выпадку адсутнасці пералічанай інфармацыі ў салоне аўтамабіля-таксі (не паведамлення яе спажыўцу) або нязгодзе пасажыра з абвешчаным коштам паслугі (напрыклад, кошт пасадкі не задавальняе спажыўца), пасажыр мае права да пачатку паездкі адмовіцца ад выкарыстання паслугі таксі.

Сума платы за паслугу таксі вызначаецца касавым апаратам, сумяшчаным з таксометрам на падставе ўстаноўленых тарыфаў за падачу аўтамабіля-таксі на замову, пасадку ў аўтамабіль-таксі (зыходзячы з выдаткаў, звязаных з выкананнем пасадкі і высадкі пасажыраў, кладкі і выгрузкі багажу і ручной паклажы ды іншае), 1 км аплачанага прабегу і 1 гадзіну аплачанага прастою або руху аўтамабіля-таксі з хуткасцю, меншай за тарыфы за 1 гадзіну аплачанага прастою да тарыфу за 1 км аплачанага прабегу.

Кіроўцу аўтамабіля-таксі забараняецца:

перавозіць пасажыраў з няспраўным або выключаным касавым апаратам, сумешчаным з таксометрам (за выключэннем кіроўцаў аўтамабіляў-таксі, якія выконваюць аўтамабільныя перавозкі пасажыраў аўтамабілямі-таксі, заказаныя з выкарыстаннем электроннай інфармацыйнай сістэмы);

закрываць касавы апарат, сумешчаны з таксометрам, і яго складовыя часткі якімі-небудзь прадметамі (за выключэннем кіроўцаў аўтамабіляў-таксі, якія выконваюць аўтамабільныя перавозкі пасажыраў аўтамабілямі-таксі, заказаныя з выкарыстаннем электроннай інфармацыйнай сістэмы);

патрабаваць ад пасажыра плату звыш звестак касавага апарата, сумешчанага з таксометрам;

рабіць пасадку іншых пасажыраў без згоды пасажыра, які знаходзіцца ў аўтамабілі-таксі;

паліць падчас руху аўтамабіля-таксі.

Даведка:

Узаемаадносіны, якія ўзнікаюць паміж спажыўцом і аўтамабільным перавозчыкам, якія ажыццяўляюць перавозкі пасажыраў аўтамабілямі-таксі, рэгулююцца Правіламі аўтамабільных перавозак пасажыраў, зацверджанымі пастановай Савета Міністраў Рэспублікі Беларусь ад 30 чэрвеня 2008 года № 972, распрацаванымі ў адпаведнасці з Грамадзянскім кодэксам Рэспублікі Беларусь і Законам Рэспублікі Беларусь ад 9 студзеня 2002 года, № 90-З «Аб абароне правоў спажыўцоў».

Myfin.by пацікавіўся коштамі таксі ў Менску. У многіх перавозчыкаў, паводле звестак сайта creditportal, кошт 1 км складае ў сярэднім 0,45- 0,55 рубля.

Напрыклад, кошты паездкі на таксі «Нэкст» такія: за 1 км - ад 0,45 рубля, мінімальная паездка - ад 2,50 руб. (пасадка + 3 км), «ЕўраТаксі» - ад 0,49 рубля за 1 км, мінімальная паездка - 4 руб. (пасадка + 2 км), «Сталіца» - адпаведна ад 0,55 і ад 4,50 рубля (пасадка + 3 км). А кошт паездкі ў «Яндэкс.Таксі» за 1 км - ад 0,41 рубля, мінімальная паездка - 3,35 рубля (пасадка + 3 км).