Замежнікам у Беларусі дазволяць валодаць зямельнымі ўчасткамі
- 17.05.2019, 19:41
Замежнікам дазволяць набываць ва ўласнасць зямельныя ўчасткі з жылымі дамамі.
Замежнікам і асобам без грамадзянства ў Беларусі могуць дазволіць афармляць ва ўласнасць або пажыццёвае спадчыннае валоданне зямельныя ўчасткі і іх долі.
Гэта прадугледжана праектам закона «Аб унясенні змяненняў і дапаўненняў у Кодэкс Рэспублікі Беларусь аб зямлі», які напярэдадні «дэпутаты» прынялі ў першым чытанні, паведамляе БелТА.
Цяпер праблемнымі застаюцца сітуацыі, калі маёмасць, у тым ліку зямельныя ўчасткі, пераходзяць ва ўласнасць або пажыццёвае спадчыннае валоданне адначасова грамадзяніну Беларусі і замежніку або асобе без грамадзянства.