Лінас Лінкявічус: Нельга дазволіць Расеі вярнуцца ў ПАРЕ
- 17.05.2019, 17:33
Расея нічога не змяніла ні на справе, не на словах.
Міністр замежных спраў Літвы Лінас Лінкявічус выступіў супраць вяртання Расеі ў ПАРЕ, бо яна прадаўжае агрэсію супраць Украіны.
Як паведамляе «Европейская правда», пра гэта ён заявіў пасля ўдзелу ў сесіі Камітэта міністраў РЕ.
«Мы не можам дазволіць безумоўнае вяртанне Расеі ў ПАРЕ за кошт каштоўнасцяў і прынцыпаў Рады Еўропы. Расея нічога не змяніла ні на справе, не на словах, і прадаўжае агрэсію супраць Украіны. Нашы еўрапейскія каштоўнасці мала што значаць, калі іх не абараняюць», - напісаў Лінкявічус у Twitter.
Нагадаем, міністры замежных спраў краін-чальцоў Рады Еўропы прынялі пастанову, спрыяльную для вяртання расейскай дэлегацыі ў ПАРЕ. Пры гэтым у самім дакуменце не згадваецца «Расеі».
У ім сцвярджаюць, што ўсе дзяржавы-чальцы павінны мець права на роўных умовах удзельнічаць у Камітэце міністраў і ў Парламенцкай асамблеі, двух статутных органах Рады Еўропы.