БЧ: Для куплі білета на цягнік спатрэбіцца новая інфармацыя
- 16.05.2019, 11:27
Прозвішча і нумара дакумента пасажыра будзе недастаткова.
З 16 траўня пашыраецца пералік звестак, якія пасажыр павінен паведаміць білетнаму касіру пры афармленні праязных дакументаў на міжнародны цягнік, паведамляе прэс-служба БЧ.
Цяпер акрамя прозвішча і нумара дакумента, які засведчвае асобу, неабходна дадаткова падаць інфармацыю пра імя і дату нараджэння пасажыра.
Аналагічная інфармацыя спатрэбіцца і пры афармленні электронных праязных дакументаў.
Новае правіла звязана з пытаннямі забеспячэння памежнай бяспекі.