Актывісты спынілі фуру з прадукцыяй акумулятарнага завода пад Берасцем

• 13.05.2019, 9:06

Завод працуе нелегальна, а выпушчаная ім прадукцыя вывозіцца па начах.

Сёння ўночы пад Драгічынам актывістамі была спыненая фура, якая раней выехала з тэрыторыі акумулятарнага завода ў Берасці. Нягледзячы на тое, што прадпрыемства афіцыйна яшчэ не працуе, у ёй знайшлі гатовую прадукцыю, паведамляе тэлеграм-канал «Баста».

Раней актывісты паведамлялі, што некалькі начэй запар на заводзе гарэла святло і быў чутны шум абсталявання. Познім вечарам 2 траўня прадстаўнікі ініцыятыўнай групы выявілі шум на ўчастку свінцовай стужкі. Прыкладна праз 40 хвілін, калі да заводу з'ехаліся людзі, гул спыніўся.

Са слоў жыхароў Берасця, завод працуе нелегальна, а выпушчаная ім прадукцыя вывозіцца па начах.