Фотафакт: непадалёк ад Камароўкі паставілі гіганцкія шахматы

• 12.05.2019, 17:45

Каля метровых ладдзей, каралёў, каралеваў і коней актыўна фатаграфуюцца мясцовыя жыхары.

Каля менскай школы № 28, якая знаходзіцца на скрыжаванні Кульман і Багдановіча, на тыдні з'явіліся незвычайныя шахматныя фігуры. Каля метровых ладдзей, каралёў, каралеваў і коней актыўна фатаграфуюцца мясцовыя жыхары, адначасна дзякуючы за новую лакацыю адміністрацыі школы, піша CityDog.

Але, як высветліла выданне, усталяваў фігуры «Зелянбуд» Савецкага раёна. На прадпрыемстве апавялі, што шахматы з'явіліся «ў рамках актуальнага ўтрымання тэрыторыі».

– Гэта такі новы арт-аб'ект раёна. Мы ўжо ўсталявалі і іншыя аб'екты: дрэва з штучнай травы ў скверы на Камароўцы, сімвал Еўрапейскіх гульняў Лісяня Лесіка – на ўездзе ў горад.

Шахматныя фігуры мы заказвалі ў кампаніі «АрбатТрэйд»: яны перамаглі ў тэндары на выраб аб'екта. Чаму менавіта шахматы? Ну, якая ідэя прыйшла ў галаву, такую і абралі для рэалізацыі.