У Менску прэзентавалі кнігу пра «Песняроў»
- 9.04.2019, 19:33
Новая кніга «Я раман з працягам пішу» выйшла ў свет у год 50-годдзя легендарнага ансамбля.
У Менску прэзентавалі 500-старонкавую кнігу пра легендарны ансамбль «Песняры», інфармуе сайт sb.by.
Яе напісаў Уладзіслаў Місевіч (над ёй таксама працавалі Юрый Кунец і Аляксандр Кацікаў, а літаратурным кансультантам быў Сяргей Трафілаў). Ён згадаў пра закуліснае жыццё музыкаў, пра прыгоды на амерыканскіх гастролях, пра барацьбе за цвярозасць. Ёсць у кнізе і пра тое, чаму не атрымалася супрацоўніцтва з Уладзімірам Высоцкім. Шмат увагі надаецца творчым пошукам Уладзіміра Мулявіна.
У кнізе ўтрымліваецца больш за сотню ўнікальных фатаграфій.