Дзмітрый Корабаў: Усе будуць гуляць за краіну, адзін за аднаго
- 26.04.2019, 14:28
Хакеіст нацыянальнай каманды Беларусі падзяліўся меркаваннем аб будучым ЧС у Нур-Султане.
Пра гэта Дзмітрый Корабаў распавёў у інтэрв'ю «Авертайму».
- На тых, хто больш дасведчаны, кладзецца дадатковая адказнасць. Яны павінны павесці за сабой, паказваць прыклад.
Шаранговіч і Сушко нядрэнна падрыхтаваныя, фізічна, тэхнічна і добра катаюцца. Ёсць рэзерв.
Калі выходзіш на лёд, у цябе павінна быць адказнасць за свае дзеянні, але ў той жа час гуляць, а не занявольвацца і баяцца ўсіх рухаў на лёдзе.
З трэніровак відаць, што ёсць калектыў. Я думаю, што ўсе будуць гуляць за краіну, адзін за аднаго.
Будзем старацца вырашыць задачу, іншых думак няма, едзем з адной думкай аб вяртанні ў эліту.
- Прадчуванне ёсць?
- У плане? Я што экстрасэнс, ці што? Кожная гульня новая. Будзем біцца, усё залежыць ад нас.