Садавы: Я гатовы стаць прэм'ер-міністрам Украіны
- 25.04.2019, 18:58
Мэр Львова і лідар партыі «Самопомич» заявіў пра гатоўнасць стаць прэм'ерам Украіны, але пры падтрымцы большасці ў парламенце.
Лідар партыі «Самопомич» Андрэй Садавы гатовы працаваць прэм'ер-міністрам Украіны пры прэзідэнце Уладзіміры Зяленскім.
Пра гэта ён заявіў у каментары Delo.ua.
Пры гэтым ён удакладніў, што гэта магчыма толькі ў выпадку, калі яго падтрымае парламент.
«Працаваць я гатовы. Але я гатовы працаваць, маючы легітымнасць. Калі ёсць падтрымка большасці ў парламенце, ты можаш зрабіць шмат. А калі ты прыходзіш і працуеш у апазіцыі, то атрымліваецца, што ты можаш прапаноўваць ідэі, але яны не будуць рэалізаваныя», - сказаў Садавы.