Шэраг еўрапейскіх краін асудзілі выдачу расейскіх пашпартоў жыхарам Данбаса

• 25.04.2019, 16:05

Заява Расеі супярэчыць духу і мэтам менскіх пагадненняў.

У Міністэрстве замежных спраў Літвы заклікалі ўзмацніць санкцыйны ціск на РФ праз увядзенне спрошчанага парадку выдачы расейскіх пашпартоў жыхарам акупаванага Данбаса, паведамляе «Новое время».

Таксама Францыя і Нямеччына асудзілі ўказ Уладзіміра Пуціна аб спрашчэнні выдачы расейскіх пашпартоў жыхарам самаабвешчаных Данецкай і Луганскай народных рэспублік. Пра гэта ў чацвер, 25 красавіка, гаворыцца ў заяве міністэрства замежных спраў Нямеччыны, паведамляе RFI.

У дыпламатычным міністэрстве падкрэслілі, што «ДНР» і «ЛНР» «уваходзяць у тэрыторыю Украіны». «Заява Расеі супярэчыць духу і мэтам менскіх пагадненняў», - адзначаецца ў паведамленні.