Вытворчасць самалётаў і гелікаптэраў у РФ абрынулася на 40%

• 24.04.2019, 19:40

Гаворка ідзе як пра грамадзянскія, так і пра вайсковыя самалёты і гелікаптэры.

Вытворчасць у Расеі лятальных апаратаў, у тым ліку камерцыйных, у першым квартале гэтага года ўпала на 42,3 адсотка ў параўнанні з аналагічным перыядам 2018-га. Гаворка ідзе як пра грамадзянскія, так і пра вайсковыя самалёты і гелікаптэры. Пра гэта паведамляе lenta.ru са спасылкай на звесткі Расстата.

Гэта адно з найбуйнейшых падзенняў сярод асноўных кампанентаў прамысловай вытворчасці за гэты перыяд. У 2018 годзе выпуск самалётаў і гелікаптэраў, уключаючы касмічныя, абрынуўся на 13,5 адсоткі.