Віцэ-прэзідэнт ЗША: Трамп з нецярпеннем чакае працы з адміністрацыяй Зяленскага

• 24.04.2019, 13:31

Вашынгтон будзе падтрымліваць моцную Украіну.

Віцэ-прэзідэнт ЗША Майк Пэнс 23 красавіка павіншаваў Уладзіміра Зяленскага з перамогай на прэзідэнцкі выбарах ва Украіне. Пра гэта Пэнс напісаў у Twitter, паведамляе gordonua.com.

«Пагутарыў з абраным прэзідэнтам Украіны Уладзімірам Зяленскім, каб павіншаваць яго з перамогай. Прэзідэнт ЗША Дональд Трамп і я з нецярпеннем чакаем супольнай працы з ягонай адміністрацыяй для падтрымкі моцнай, дэмакратычнай і квітнеючай Украіны», - заявіў амерыканскі віцэ-прэзідэнт.

21 красавіка 2019 года ва Украіне прайшоў другі тур выбараў прэзідэнта, прыход склаў 61,37%. Паводле звестак апрацоўкі 100% электронных пратаколаў, за Зяленскага прагаласавалі 73,22% выбаршчыкаў, за дзейнага кіраўніка дзяржавы Пятра Парашэнку - 24,45%.