Польшча зафіксавала пагаршэнне якасці нафты, якая паступае з Беларусі

• 23.04.2019, 21:20

Польскі аператар трубаправодаў PERN праінфармаваў аб зніжэнні якасці нафты польскія і нямецкія НПЗ.

Польшча зафіксавала пагаршэнне якасці нафты, якая паступае з Беларусі праз нафтаправод «Дружба».

Пра гэта паведамляе Forsal са спасылкай на польскага аператара трубаправодаў PERN.

Аператар атрымаў факс ад «Гомельтранснафты», у якім паведамлялася аб падвышаным утрыманні хлорарганічных злучэнняў у сыравіну, а пазней «выявіў гэта ў сырой нафце, якая паступіла ў Польшчу». PERN праінфармаваў аб зніжэнні якасці нафты польскія і нямецкія НПЗ.

«Мы адсочваем сітуацыю ўвесь час», - адзначыў аператар.