«Белнафтахім»: Забруджаная расейская нафта паступае ў Еўразвяз і Украіну

• 23.04.2019, 11:58

Старшыня канцэрна пацвердзіў ранейшую інфармацыю.

Расейская нафта з павышаным утрыманнем хлорарганічных злучэнняў пачала паступаць у Еўропу і Украіну, паведаміў намеснік старшыні канцэрна «Белнафтахім» Уладзімір Сізоў журналістам у Мазыры ў аўторак, паведамляе «Інтэрфакс».

«Паводле вынікаў тых спробаў, якія адабраныя на мяжы Рэспублікі Беларусь і Рэспублікі Польшчы, мы канстатавалі, што няякасная нафта ўжо паступіла на тэрыторыю Еўразвязу. Мы таксама валодаем аператыўнай інфармацыяй, што нафта з змененымі характарыстыкамі ўжо знаходзіцца на тэрыторыі Украіны», – сказаў Сізоў.