У цэнтры Менска з жылых дамоў зразаюць спадарожнікавыя «талеркі»

• 23.04.2019, 11:27

Так у горадзе рыхтуюцца да Еўрапейскіх гульняў.

На вуліцы Валадарскага ў Менску раніцай 23 красавіка працоўныя дэмантавалі тэлевізійныя талеркі, устаноўленыя на фасадзе дамоў.

У каментары Еўрарадыё працоўныя патлумачылі, што дэмантуюць незаконна ўстаноўленыя талеркі ў рамках падрыхтоўкі да II Еўрапейскіх гульняў. Талеркі, устаноўленыя законна, яны не чапаюць.