BE RU EN

Хуан Гуайдо: Выйдзем на вуліцы для выратавання нашай краіны

  • 23.04.2019, 9:52

Больш за палову штатаў Венесуэлы адчуваюць праблемы з электрычнасцю праз рэжым Мадуры.

Лідар венесуэльскай апазіцыі Хуан Гуайдо ў панядзелак паведаміў, што 13 з 23 штатаў Баліварыянскай Рэспублікі застаюцца без сталай падачы электрычнасці. Пра гэта ён напісаў у сваім Twitter.

«Паводле нашай справаздачы, 22 красавіка 13 штатаў Венесуэлы маюць сур'ёзныя праблемы з падачай электрычнасці і ў трох штатах падача энэргіі адноўленая напалову», – напісаў ён.

Апазіцыянер зноў заявіў, што сыход Нікаласа Мадуры неабходны «для аднаўлення нармальнай краіны». «1 траўня разам выйдзем на вуліцы для выратавання нашай краіны», – падкрэсліў ён.

У сакавіку ў Баліварыянскай Рэспубліцы адбылося некалькі масавых адключэнняў электрычнасці, калі без святла застаўся Каракас і большасць штатаў.

Апошнія навіны