У ЗША паставілі ўльтыматум Турцыі па С-400

• 22.04.2019, 19:52

Вашынгтон можа перанесці сваю вайсковую базу з Турцыі ў Грэцыю.

ЗША ўвядуць санкцыі супраць Турцыі, калі Анкара не адмовіцца ад куплі расейскіх ЗРК С-400, заявіў амерыканскі сенатар-дэмакрат Боб Менендэс у інтэрв'ю грэцкаму выданню Kathimerini, паведамляе lenta.ru.

Ён дадаў, што Вашынгтон можа перанесці сваю вайсковую базу з Турцыі ў Грэцыю. Сенатар таксама выключыў пастаўку ў Анкару самалётаў пятага пакалення F-35. «Ніколі не будзе F-35 побач з С-400, гэтага ніколі не адбудзецца. Гэта пазіцыя абедзвюх партый у кангрэсе», - заявіў Менендэс.

Сенатар сцвярджае, што калі F-35 будзе знаходзіцца побач з С-400, Расея зможа даведацца пра «ўсе сакрэты тэхналогіі» амерыканскіх знішчальнікаў. Ён падкрэсліў, што турэцкія ўлады павінны зрабіць выбар: краіна можа застацца саюзнікам NATO альбо аддаліцца.

10 красавіка Прэзідэнт Турцыі Рэджэп Таіп Эрдаган заявіў, што купля C-400 ужо развязвае пытанне і краіна атрымае зенітна-ракетныя комплексы ў ліпені 2019 года або нават раней. Са слоў кіраўніка вайсковага ведамства Турцыі Хулусі Акар, закупка менавіта расейскіх комплексаў была не пытаннем перавагі, а надзённым патрабаваннем нацыянальнай бяспекі.

Пагадненне пра пастаўку Анкары чатырох дывізіёнаў С-400 было дасягнутае ў верасні 2017 года. Кошт кантракту складае 2,5 мільярда даляраў, але палову гэтай сумы пакрые расейскі крэдыт.