Джэф Плэт: Мне хацелася быць часткай каманды, якая вернецца і рэабілітуецца

• 22.04.2019, 17:32

Канадскі хакеіст з беларускім пашпартам распавёў аб выкліку ў нацыянальную каманду.

Форвард «Ёкерыта» і нацыянальнай каманды Беларусі Джэф Плэт паведаміў, што з натхненнем прыняў прапанову аб выкліку ў каманду, піша «Трыбуна».

«Усё добра. Рады быць тут. Я з натхненнем успрыняў выклік у каманду. Нядрэнна патрэніраваўся дома і прайшоў там аднаўленчыя працэдуры, таму ўсе добра.

На жаль, у мінулым годзе каманда выступіла няўдала, мы вылецелі ў другі дывізіён. Таму мне хацелася быць часткай каманды, якая вернецца і рэабілітуецца», - сказаў Плэт.