У Гомелі страйкуюць таксісты
- 22.04.2019, 10:20
Яны затрымліваюць рух на цэнтральных вуліцах горада.
Раніца панядзелка пачалося са страйку таксістаў. Са слоў аўтамабілістаў, «таксоўкі 155 і 181 вельмі павольна едуць праспектам Леніна, затрымліваючы рух транспарту».
Як паведаміў gomel.today адзін з кіроўцаў, сёння раніцай таксісты збіраліся каля аблвыканкама, каб чарговым разам абмеркаваць сітуацыю: як змагацца з канкурэнтамі «Максім» і 7220, якія, з іх слоў, працуюць нелегальна. Пастанавілі перайсці да актыўных дзеянняў - затрымліваць рух транспарту на галоўных вуліцах горада.
Як доўга прадоўжыцца такая акцыя, адказаць кіроўцы пакуль не могуць.
Нагадаем, першыя страйкі таксістаў, незадаволеных з'яўленнем на гомельскім рынку службы «Максім», пачаліся яшчэ ў лютым. Спачатку арганізавалі сустрэчу ля «Еўраопту» на Хатаевіча, дзе надумалі прыйсці да адзінага выгаднага для ўсіх тарыфу, на наступны дзень сустрэчу паўтарылі - ужо ля аблвыканкаму. «Мы хочам прыцягнуць увагу ўладаў, мы не проста так стаім, мы губляем працу», - казалі тады таксісты.
Аднак, мяркуючы з сённяшніх страйкаў, лютаўская размова так ні да чаго і не прывяла.