Без працы могуць застацца 10 тысяч працоўных БМЗ

• 22.04.2019, 8:24

Увесь чысты прыбытак жлобінскага БМЗ - мізэрныя 300 тысяч рублёў.

Сайт banki24.by працягвае аналізаваць гадавыя справаздачы знакавых прадпрыемстваў Беларусі. На чарзе - металургічны гігант у Жлобіне.

Прыбытак Беларускага металургічнага завода ў Жлобіне за 2018 год склаў 3 млрд BYN. Пры гэтым ад рэалізацыі прадукцыі БМЗ атрымаў 247,3 млн BYN прыбытку. Аднак у мінулым годзе практычна ўвесь прыбытак прадпрыемства з продажу з'елі страты ад інвестыцыйнай і фінансавай дзейнасці - 225,2 млн BYN.

Пасля выплаты падатку на прыбытак у БМЗ засталося толькі 300 тысяч BYN чыстага прыбытку. Да пачатку 2019 год не змог кампенсаваць страты мінулых гадоў. У выніку на 1 студзеня некампенсаваная страта прадпрыемства склала 345,6 млн BYN.

Пасля мадэрнізацыі жлобінскія металургі маюць высокую пазыковую нагрузку. Да пачатку 2019 года абавязанні БМЗ за доўгатэрміновыя крэдыты і пазыкі былі роўныя 986 млн BYN, за кароткатэрміновыя - 1 172 млн BYN, за кароткатэрміновую частку доўгатэрміновых абавязанняў - 391,5 млн BYN.

Гэта значыць, што за 2019 год прадпрыемства павінна выплаціць за крэдыты і пазыкі больш за 1,5 млрд BYN!

Кароткатэрміновая запазычанасць БМЗ у разы перасягае дэбіторскую - 1 103 млн BYN супраць 269,8 млн BYN. Адначасова кароткатэрміновыя актывы ў разы меншыя за кароткатэрміновыя абавязанні- 728,1 млн BYN супраць 2 668 млн BYN.

Для працягу дзейнасці прадпрыемству трэба прыцягваць замежнае фінансаванне. Металургі маюць гіганцкі дэфіцыт уласнага абарачэння. У выпадку сур'ёзных праблем на прадпрыемстве (страта дзяржпадтрымкі і крэдытавання) патэнцыйна могуць пазбавіцца працы да 10,9 тысяч чалавек. Такая сярэдняспісачная колькасць персаналу БМЗ у 2018 годзе.