Відэафакт: Падчас матчу футбалісты менскага «Дынама» ледзь не пабіліся паміж сабой

• 20.04.2019, 20:14

У матчы футбольнага чэмпіянату Беларусі паміж менскім «Дынамам» і «Тарпедам» адбыўся незвычайны інцыдэнт.

Футбалісты адной каманды ледзь не пабіліся проста на полі, піша nn.by.

Абаронца менскага «Дынама», расеец Віталь Дзякаў не надта ўдала прабіў штрафны ўдар, а пасля наважыў нешта абмеркаваць на падвышаных тонах з аднаклубнікам, беларусам Эдгарам Аляхновічам.

Урэшце Дзякаў штурхнуў Аляхновіча ў грудзі.

Суддзя наважыў не караць яго за неспартовыя паводзіны.