Квіткі на дэбаты Парашэнкі і Зяленскага на стадыёне распрададзеныя
- 18.04.2019, 18:15
На дэбаты прыйдуць да 60 тысяч чалавек.
Квіткі на дэбаты кандыдатаў у прэзідэнты Украіны Пятра Парашэнкі і Уладзіміра Зяленскага распрададзеныя, паведамляецца на сайце мерапрыемства.
«На жаль, усе квіткі ўжо прададзеныя», - гаворыцца ў паведамленні. Дэбаты на стадыёне «Алімпійскі» ў Кіеве пачнуцца а 19:00 у пятніцу, 19 красавіка.
Зяленскі паведаміў пра пачатак распаўсюджвання бясплатных квіткоў на дэбаты 16 красавіка. Прадстаўнік штаба актора Дзмітрый Разумкоў казаў, што ў штабоў кандыдатаў была ідэя выдаткаваць атрыманыя ад продажу квіткоў сродкі на дабрачыннасць, аднак украінскае заканадаўства гэта забараняе. З ягоных слоў, дэбаты абыдуцца ў 6-8 млн грн, выдаткі на іх правядзенне возьмуць на сябе кандыдаты. Паводле ацэнак кіраўніка МУС Украіны Арсена Авакава на дэбаты прыйдуць да 60 тысяч чалавек.