Даляр устанавіў гадавы мінімум

• 17.04.2019, 15:46

На Беларускай валютна-фондавай біржы 17 красавіка прайшлі чарговыя таргі валютамі.

Курс даляра знізіўся на BYN0,0067 - да 2,0953 рубля. Такім чынам быў зафіксаваны новы гадавы мінімум, піша tut.by.

Еўра таксама прадоўжыў таннець. Курс еўрапейскай валюты знізіўся на BYN0,0053 - да 2,3708 рубля і таксама з'яўляецца мінімальным у 2019 годзе.

Курс расейскага рубля вырас на BYN0,0058 - да 3,2774 беларускага рубля за 100 расейскіх рублёў.

У курсаўтварэнні Нацбанк выкарыстоўвае механізм згладжвання дзённых ваганняў курсу рубля да кошыка валют, у якім удзельная вага расейскага рубля складае 50%, даляра ЗША - 30%, еўра - 20%.