Дзмітрый Мільчакоў вызваліўся для каманды Беларусі

• 16.04.2019, 11:44

Трэнерскі штаб каманды звязаўся з брамнікам.

Галкіпер Дзмітрый Мільчакоў вызваліўся для каманды Беларусі. Ягоная каманда «Пльзень» 15 красавіка саступіла «Тршынецу» (1:5) у вызначальным матчы паўфінальнай серыі чэмпіянату Чэхіі і закончыла сезон, паведамляе прэс-служба ФХБ.

Дзмітрый Мільчакоў у заключным двубоі выйшаў на лёд у першым перыядзе, замяніўшы Дамініка Фрэдля, які прапусціў тры шайбы. Беларус таксама прапусціў аднойчы пасля 12 кідкоў. Пятая шайба ўляцела ва ўжо пустую браму «Пльзені».

Пасля гульні трэнерскі штаб каманды Беларусі звязаўся з брамнікам, які выказаў гатоўнасць далучыцца да нацыянальнай каманды. Дзмітрый прыляціць у Беларусь у сераду, 17 красавіка.