На сераду ў Беларусі абвясцілі аранжавы ўзровень небяспекі

• 26.03.2019, 18:54

Сіноптыкі прагназуюць моцны вецер і мокры снег.

У апошнія дні беларусы атрымлівалі асалоду ад па-сапраўднага вясновага надвор'я. Аднак у сераду 27 сакавіка, як паведамляе БелТА са спасылкай на Рэспубліканскі цэнтр гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды, нас чакае аранжавы ўзровень небяспекі праз моцны вецер.

Таксама сіноптыкі прагназуюць мокры снег, галалёдзіцу і да +7 градусаў удзень і да +2 градусаў уначы. Вецер чакаецца паўднёвы, з парывамі да 12-14 метраў у секунду.