Завод «Аліварыя» пераймянуюць
- 25.03.2019, 19:18
Заводу вернуць гістарычную назву.
Здаецца, «Аліварыя» хоча перайменавацца ў «Багемiю». У пацверджанне гэтага Telegram-канал «Мерзкий Кокобай» выклаў фота завода, які знаходзіцца на скрыжаванні менскага праспекта Машэрава і вуліцы Багдановіча. На здымках шыльда змянілася.
The Village піша, што прэс-служба завода гэта пацвярджае. «Сапраўды ёсць новыя сюжэты шыльдаў вонкавых рэкламных канструкцый, якія пададзеныя на ўзгадненне ў «Менскрэклама». Таксама можам пацвердзіць сапраўднасць макетаў, якія з'явіліся ў сеціве», - кажуць там.
Піўзавод называўся «Багеміяй» у пачатку XX стагоддзя. У 1864 годзе менскай мяшчанкай Кіжлай Фрумкінай на месцы цяперашняга завода быў пабудаваны драўляны бровар, а ў 1894 годзе на гэтым месцы граф Караль Гутэн-Чапскі пабудаваў паравы піваварны завод «Багемія».