Фотафакт: У Гародні зрабілі піцу з «Пагоняй»

• 24.03.2019, 18:35

Беларусы віншуюць адзін аднаго з нацыянальным святам.

Гарадзенскі Pizza Truck зрабіў піцу з «Пагоняй» да Дня Волі. Аўтар твора Павел Максімчык рабіў яе паўтары гадзіны, перадае «Радыё Свабода».

Цяпер піца знаходзіцца ў Цэнтры гарадскога жыцця (Кірава, 3). Там з незвычайнай піцай можна сфатаграфавацца 24 і 25 сакавіка. З'ядуць піцу, замарозяць або паставяць у рамку, аўтар яшчэ не наважыў.