Круізны лайнер Viking Sky дабраўся да порта

• 24.03.2019, 16:55

Эвакуацыя пасажыраў з лайнера, які патрапіў у аварыйную сітуацыю ля берагоў Нарвегіі, спыненая.

Як паведамляе CNN (пераклад - «УНІАН»), эвакуацыя пасажыраў карабля па паветры прыпыненая. Усяго ратавальнікі эвакуавалі з судна 479 чалавек. У выніку здарэння на караблі пацярпелі 20 чалавек, ім усім надалі медыцынскую дапамогу.

Нагадаем, 23 сакавіка лайнер страціў цягу рухавікоў і паслаў сігнал бедства. Надзвычайнае здарэнне адбылося ў небяспечных водах, узнікла небяспека сутыкнення судна са скаламі.

На лайнеры знаходзіліся блізу 1300 чалавек. Ратавальнікі пачалі эвакуацыю людзей па паветры.

Сёння на судне здолелі запусціць тры з чатырох рухавікоў, лайнер адправіўся да найбліжэйшага порта ў суправаджэнні буксіраў.