Прадстаўнікі дыяспары выйшлі на мітынг да амбасады Беларусі ў Нью-Ёрку
- 24.03.2019, 10:53
Беларусы ЗША адзначылі Дзень Волі.
У гонар Дня Волі беларусы ЗША 23 сакавіка правялі мітынг каля беларускага консульства ў нью-ёркскім Мангэтане, паведамляе «Радыё Свабода».
Мітынг арганізавалі: Беларуска-амерыканская асацыяцыя (BAZA) і Беларуска-Амерыканскае Аб'яднанне «Пагоня».
Удзельнікі акцыі выказалі:
падзяку ўраду БНР, які «захоўвае і ўвасабляе ідэалы беларускай незалежнай дэмакратычнай дзяржавы»;
салідарнасць з беларускімі палітыкамі, СМІ, у тым ліку з «Хартыяй-97», актывістамі і грамадзянамі, якія змагаюцца за дэмакратыю ў Беларусі.