Сірыйскія хаўруснікі ЗША заявілі пра поўную перамогу над ІДЗІЛ
- 23.03.2019, 11:58
Сірыйскія дэмакратычныя сілы некалькі тыдняў вялі барацьбу за Багхуз.
Сірыйскія дэмакратычныя сілы, якія падтрымліваюць ЗША, заявілі пра выцясненне «Ісламскай дзяржавы» з апошняй кантраляванай імі тэрыторыі Багхуз у Сірыі.
Пра гэта паведамляе «Еўрапейская праўда» са спасылкай на Reuters.
Сірыйскія дэмакратычныя сілы заявілі пра «поўную ліквідацыю» халіфата ІДЗІЛ», які раней ахопліваў траціну Ірака і Сірыі.
«Багхуз вызвалены. Вайсковая перамога над ІДЗІЛ завершаная», - заявіў кіраўнік медыя-офіса Сірыйскіх дэмакратычных сіл Мустафа Балі.
Сірыйскія дэмакратычныя сілы некалькі тыдняў вялі барацьбу за Багхуз у раёне ірацкай мяжы.
«Мы пацвярджаем наша абяцанне працягваць вайну і пераследаваць недабіткам ІДЗІЛ да іх поўнай ліквідацыі», - заявіў Балі.
Як паведамлялася, Белы дом сцвярджае, што тэрыторыя пад кантролем баевікоў ІДЗІЛ у Сірыі ліквідаваная на 100%.
Паводле звестак ЗША, «Ісламская дзяржава» дагэтуль можа мець 15-20 тысяч прыхільнікаў у Сірыі і Іраку. Францыя раней заяўляла, што захавае прысутнасць сваіх войскаў у паўночнай частцы Сірыі, таму што мяркуе, што баевікі «Ісламскай дзяржавы» не былі знішчаныя і працягваюць пагражаць інтарэсам краіны.