Намеснік Шуневіча спалохаўся зняважлівага стаўлення да міліцыі

• 21.03.2019, 16:20

Намеснік кіраўніка МУС Барсукоў выказаўся супраць вольнага інтэрнэту.сказался против свободного интернета.

Намеснік міністра ўнутраных спраў Аляксандр Барсукоў мяркуе, што канцэпцыя інфармацыйнай бяспекі, зацверджаная Лукашэнкам, дапаможа міліцыі «эфектыўна супрацьстаяць пагрозам у інфармацыйнай сферы». У тым ліку - змагацца з фармаваннем негатыўнага іміджу праваахоўных органаў, паведамляе «Белсат».

«Вядома, што асобныя прадстаўнікі інтэрнэт-супольнасці сёння спрабуюць маніпуляваць грамадскай свядомасцю, фармаваць грэблівае стаўленне да міліцыі праз выпады на адрас супрацоўнікаў органаў унутраных спраў, якія іх кампраметуюць. Такія выказванні агулам не ўплываюць на грамадскую думку, аднак дэструктыўны раздражняльны фон ствараюць. Закладзеныя ў дакуменце палажэнні дазволяць выбудаваць больш дакладную і эфектыўную сістэму выяўлення і рэагавання на рызыкі і пагрозы ў інфармацыйнай сферы», - заявіў Барсукоў.