Брытанія афіцыйна папрасіла ЕЗ адкласці Brexit

• 20.03.2019, 15:30

Тэрэза Мэй запрасіла тэхнічную адтэрміноўку да 30 чэрвеня.

Прэм'ер-міністр Вялікай Брытаніі Тэрэза Мэй афіцыйна папрасіла адкласці выхад краіны з Еўразвязу (Brexit). Пра гэта яна абвясціла ў парламенце, паведамляе Reuters.

Як паведамляецца, кіраўніца брытанскага ўрада накіравала ліст кіраўніку Еўрарады Дональду Туску. У ім гаворыцца аб тэхнічнай адтэрміноўцы да 30 чэрвеня. Мэй падкрэсліла, што не гатовая адкладаць Brexit на больш познюю дату, а таксама што рыхтуецца да трэцяга галасавання паводле свайго варыянту ўгоды.

Reuters адзначае, што Туск атрымаў запыт.