Знішчальнікі NАТО перахапілі самалёты РФ ля берагоў Ісландыі

• 20.03.2019, 12:31

Ту-142 былі заўважаныя на ўсходняй мяжы паветранага сектара краіны.

У Ісландыі два знішчальнікі Eurofighter Typhoon NАТО паднялі на трывогу праз два расейскія супрацьлодкавыя самалёты Ту-142.

Пра гэта паведамляе ісландскі выданне Morgunbladid.

Знішчальнікі Вайсковых паветраных сіл Італіі вылецелі з аэрадрома Кефлавік. Самі ж самалёты РФ былі заўважаныя на ўсходняй мяжы паветранага сектара Ісландыі сіламі супрацьпаветранай абароны.

Са слоў міністра замежных спраў Ісландыі Гудлейгура Тора Тордарсана, італійскія знішчальнікі з 11 сакавіка да 11 красавіка базуюцца на выспе ў рамках праграмы NАТО аб паветранай абароне краін альянсу, у якіх няма сваёй вайсковай авіяцыі.