Турнір у Маямі: сталі вядомыя спаборніцы беларусак у парным разрадзе
- 19.03.2019, 21:56
У парным разрадзе прэстыжнага тэніснага турніру возьмуць удзел тры беларускі.
Адбылося лёсаванне 1/16 фіналу жаночага парнага разраду прэстыжнага турніру ў Маямі, у якім возьмуць удзел тры беларускі: Вікторыя Азаранка, Лідзія Марозава і Арына Сабаленка, паведамляе pressball.by.
У першым коле дуэт Азаранкі і аўстралійкі Эшлі Барці, які атрымаў «уайлд кард», памераецца сіламі з чэшкамі Барбарай Крэйчыкавай і Катарынай Сіняковай.
Сабаленка і бельгійка Эліс Мертэнс згуляюць з амерыканкай Даніэль Колінз і латвійкай Аленай Астапенкай.
Марозава ў тандэме з японкай Сюко Ааямай будуць змагацца з японкамі Мію Като і Макато Ніномія.